ШҰҒЫЛ! Әлдекімдер бір топ халықты әлеуметтік желі арқылы оңдырмай алдады Толығырақ

Арыстан Бектайұлы Отарбаев

Арыстан Бектайұлы Отарбаев, «Қазақстан-Шымкент» телеарнасының бас режиссері009.jpg

   «Қазақстан – Шымкент» телеарнасының  бас режиссері Арыстан Бектайұлы Отарбаев    телеарна ашылған 1990 жылдан бері   қызмет  атқарып келеді.   А. Отарбаев кәсіби режиссер. Ол 1978 жылы Алматы  Мемлекеттік консерваториясын профессор  Рәбиға Қаныбаева мен  КСРО халық әртісі, КСРО Мемлекттік сыйлығының иегері  Ыдырыс Ноғайбаевтың класын актер мамандығы бойынша   бітіріп шықты.    1978-1980 жылдары Ленинградта әскери борышын өтеп келген соң мамандығы бойынша облыстық Жұмат Шанин атындағы драма театрда   актерлік қызмет атқарды.  

 Сонымен қатар А. Отарбаев 1987 жылы Алматыдағы Т. Жүргенов атындағы Театр және Көркемсурет академиясының  режиссерлік факультетінде оқи жүріп, Ш. Айманов атындағы «Қазақфильм» киностудиясында режиссер Дамир Манабаевпен бірге С. Елубаевтың «Ақбоз үй» романы желісімен  «Ажал періштесі- Сұржекей» фильмін түсірді.   1990 жылы Қ. Мұхамеджановтың «Біз періштеміз бе?» атты қойылымын дипломдық жұмыс ретінде сахналап,   кәсіби режиссер  мамандығын алып шықты.

Арыстан Отарбаев «Қазақстан –Шымкент» телеарнасында  үздіксіз қызмет атқарып келе жатқан 20 жылдан астам мерзімде өзінің ерекше талант иесі екенін көрсетіп келеді.  Ол  осы жылдар ішінде де қалың көрерменнің жүрегінен жол тапқан тамаша туындыларды жасап, көпшілігінде өзі кейіпкер ретінде ойнап, нағыз шығармашыл жан екенін танытып та, дәлелдеп те келеді.

Атап айтқанда қазақтың дара тұлғалары Д. Қонаев пен А. Асқаров  жайында   «Мен халқыма ризамын», «Аиқат пен жала» атты  фильмдер мен   «Байалдырдың аспаны ала бұлт»  деген экологиялық тақырыпқа   және «Қара пима», «Алдараспан», «Шайхана», «Атамұра» сынды  танымдық, ойын – сауық және сатиралық   хабарлар түсірді.