ШҰҒЫЛ! Әлдекімдер бір топ халықты әлеуметтік желі арқылы оңдырмай алдады Толығырақ

Жадыра Әкімханқызы Мергенбаева

 

Мергенбаева Жадыра Әкімханқызы, шеф редактор

 

Мергенбаева Жадыра Әкімханқызы, 1984 жылы Оңтүстік Қазақстан облысы, Төлеби ауданы, Жамбыл елдімекенінде дүниеге келген. 2001 жылы Шымкенттегі №47 Төлеген Тәжібаев атындағы тарихи-гуманитарлық гимназия мектебін үздік бітірген.

6-сыныпта оқи жүріп, қалалық «Шымкент келбеті» газеті жанындағы «Балбөбек» балалар газетіне тырнақалды туындыларын жазды.

Журналистикаға деген қызығушылық  2000 жылы Ұлттық тәуелсіз «Айғақ» газеті редакциясына алдымен, түзетуші, сәл кейін редактор болып, жұмысқа орналасуына түрткі болды. 2004 жылдан бері «Қазақстан» РТРК» АҚ Оңтүстік Қазақстан облыстық филиалында редактор, 2012 жылдан шеф-редактор болып қызмет етеді. 

«Хабар» арнасы жанындағы «Теледидар мектебінде» тәжірибелік курстан өткен. 2005-2006 жыл аралығында «Қазақстан» ұлттық телеарнасының ақпараттық-сараптама бағдарламалар дирекциясында да қызмет атқарды. Тәжірибе жинақтады. 

Халықаралық бірнеше ұйым өткізген семинар-тренингтерге, тәжірибе алмасу дәрістеріне қатысқан.  Қоғамдық жұмыста да белсенді. 2000-2008 жж. облыс, қала ауқымындағы бірқатар мәдени шаралардың идея авторы, режиссері, жүргізушісі ретінде кеңінен танылды.
Оңтүстік Қазақстан облысын әр жылдары басқарған басшылардың «Құрмет» грамоталарына, Алғыс хаттарына ие. ҚР Тіл комитеті, «Қазақстан» ұлттық арнасы ұйымдастырған байқаулардың жүлдегері. 

2015 жыл. Қазақстан Журналистер Одағы облыстық филиалы тағайындаған Қарауылбек Қазиев атындағы Сыйлықтың иегері