ШҰҒЫЛ! Екі ірі күн электр станциясының құрылысы басталды Толығырақ

Қару арқалаған жасөспірімдер ұсталды

20:33, 7 қыркүйек 2017

Шымкент полицейлері түн жарымында қару асынып жүрген 4 жасөспірімді қолға түсірді. Олар ата-ана қарауынсыз, еркін қыдырған. Ал, ордабасылық тәртіп сақшылары мал ұрлап, оңай олжамен күнелтіп келген 3 баукеспеге кісен салды. Қарақшылықпен айналысқан топтың тұрғындарға келтірген шығыны 2 миллион теңгеден асады. Толық ақпар қылмыстық хроникасында.

      Түстік полицейлері 1999 және 2000 жылы туған жасөспірімдердің өздерімен бірге шолақ аңшы мылтығы, екі травматикалық тапанша алып жүргенін анықтады. Олар ұстаған сөмкеден сондай-ақ, бетперде мен пышақтар да табылды. Соған қарағанда, жасөспірімдер тонауға бара жатуы мүмкін деген жорамал бар. Қазіргі кезде полицейлер төрт баланың қаруды қайдан алғанын және қандай да бір қылмыстарға қатыстылығын анықтауда. Олардың үстінен Қылмыстық кодекстің 287-бабы «Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру» бойынша іс қозғалып, тергеу амалдары жүргізілуде.

      Ал, Ордабасы ауданында мал ұрлығымен айналысатын топ ұсталды. Алдын ала тергеу амалдары бойынша күдіктілер негізінен, жайылымда жүрген төрт түлікті үптеп келген. Оңай олжаны мал базарына апарып, сатып отырған. Әзірге олардың тұрғындарға келтірген шығыны 2 миллион теңгеден асады. Ұсталған 3 баукеспенің 3 іске қатысы бар екені анықталды. Күдіктілердің үстінен Қазақстан Республикасы Қылмыстық Кодексінің 188-бабы бойынша  қылмыстық іс қозғалып, сотқа дейінгі тергеу амалдары жүргізілуде. Осы орайда полицейлер тұрғындарға төрт түлігін қараусыз қалдырмауға кеңес береді. Жоғалғанын байқаған жағдайда бірден полицияға хабарласуын сұрайды. 

АҚМАРАЛ Көпжасарова

Тақырып бойынша материалдар

Қуандық Бишімбаевты 12 жылға бас бостандығынан айыруды сұрады
12:31, 20 ақпан 2018
Қуандық Бишімбаевты 12 жылға бас бостандығынан айыруды сұрад...
Толығырақ...
«НЕСИЕ АЛЫП БЕРЕМІН» - ДЕП ЖҰРТТЫ АЛДАП СОҚҚАН
15:45, 15 ақпан 2018
«НЕСИЕ АЛЫП БЕРЕМІН» - ДЕП ЖҰРТТЫ АЛДАП СОҚҚАН
Толығырақ...

Танымал жаңалықтар

БЕРІК БЕКЖАНОВ  ЖАҢА ҚЫЗМЕТКЕ ТАҒАЙЫНДАЛДЫ
19:42, 15 ақпан 2018
БЕРІК БЕКЖАНОВ ЖАҢА ҚЫЗМЕТКЕ ТАҒАЙЫНДАЛДЫ
Толығырақ...
САРЫАҒАШ АУДАНЫ ЕКІГЕ, МАҚТАРАЛ АУДАНЫ ҮШКЕ БӨЛІНУІ МҮМКІН
17:31, 20 ақпан 2018
САРЫАҒАШ АУДАНЫ ЕКІГЕ, МАҚТАРАЛ АУДАНЫ ҮШКЕ БӨЛІНУІ МҮМКІН
Толығырақ...
«НЕСИЕ АЛЫП БЕРЕМІН» - ДЕП ЖҰРТТЫ АЛДАП СОҚҚАН
15:45, 15 ақпан 2018
«НЕСИЕ АЛЫП БЕРЕМІН» - ДЕП ЖҰРТТЫ АЛДАП СОҚҚАН
Толығырақ...