ШҰҒЫЛ! ОТАН ҮШІН ОТ КЕШКЕН ЖАН ҮЙСІЗ ЖҮР Толығырақ

Шымкентте – арыстандар шоуы!

14:10, 17 шілде 2017

Миллиондар қаласына ерекше цирк ұжымы келді. Алты арыстан, бір жолбарысынан бірнеше мәрте жарақат алған Египет ханзадасы таң-тамаша өнер көрсетеді. Айбынды аң патшалары мен қос аюды қандай әрекетпен жылы бағындыруға болады?

«Оңтүстік цирк» мекемесіне келген балалар бұл күні керемет кештің куәсі болып, қызыққа қарық болды. Сүйкімді қонжықтар оңтүстік жұртын таң-тамаша етсе, сайқымазақтар балғындар жүзіне күлкі үйірді. Әсіресе, мына қолға үйретілген арыстандар көпшілікті өнерімен тәнті етуде.

Бүгінгі алты арыстан, бір жолбарыстың иесі – Египет ханзадасы Хамада Кута. Тегі араб жігіттің  Мысырдағы үйінде 48 арыстан, 15 жолбарыс үйретіледі. Шымкентке жол қиындығын көтере алатын үздіктері әкелінген. Алтаудың мінезі  әр алуан.  Бірі - жауапты. Бұйрықты айнытпай орындайды.  Ал, бірі - шәлкес. Қырсық мінезімен шеңберді бұзып шығардай айбат шегеді.

Қойылымның басты кейіпкерлері ду-қол шапалаққа ерекше елітеді. Тумысына тән тарпаң мінезді де осы ілтипат жеңеді. Айрықша құрметті жүректі  һәм білекті акробаттарға көрсетуге болады.

Қолға үйретілген қонжықтар да балғындардың қызығушылығын тудырды. Сүйкімді аюдың балалары келбеті келістіге мейірімі ерекше. Өзіне жақын тартып, балғындармен ойнап, көңілін аулауда.

Египет ханзадасының арыстандармен шоуын ерекше оқытуды қажет ететін 300 бала тегін тамашалады. Өнер ұжымы қайырымдылыққа келгенде аянып қалған жоқ. Мысырлық цирк майталмандарының ғажап қойылымын  тамыздың соңына дейін әр сенбі мен  жексенбіде көруге шақырамыз! 

ДИДАР Өмірзақова          

Тақырып бойынша материалдар

СОЗАҚТА АНАЛАР МЕН ҚЫЗ-КЕЛІНШЕКТЕРДІҢ СЫРЛАСУ КЕШІ ӨТТІ
15:10, 25 сәуір 2018
СОЗАҚТА АНАЛАР МЕН ҚЫЗ-КЕЛІНШЕКТЕРДІҢ СЫРЛАСУ КЕШІ ӨТТІ
Толығырақ...
ШЕТЕЛ ШЕДЕВРЛЕРІ ЕЛ СТУДЕНТТЕРІНІҢ ҚОЛЫНА ҚАШАН ТИЕДІ?!
14:48, 25 сәуір 2018
ШЕТЕЛ ШЕДЕВРЛЕРІ ЕЛ СТУДЕНТТЕРІНІҢ ҚОЛЫНА ҚАШАН ТИЕДІ?!
Толығырақ...

Танымал жаңалықтар

ЗООБАҚҚА КІРУ ҚҰНЫНЫҢ НЕ СЕБЕПТІ ҚЫМБАТТАҒАНЫН АЙТТЫ
16:14, 19 сәуір 2018
ЗООБАҚҚА КІРУ ҚҰНЫНЫҢ НЕ СЕБЕПТІ ҚЫМБАТТАҒАНЫН АЙТТЫ
Толығырақ...
«АЙБЫН» ОБЛЫСТЫҚ ӘСКЕРИ-ПАТРИОТТЫҚ ЖИЫНЫНЫҢ  ІРІКТЕУ КЕЗЕҢІ
18:02, 20 сәуір 2018
«АЙБЫН» ОБЛЫСТЫҚ ӘСКЕРИ-ПАТРИОТТЫҚ ЖИЫНЫНЫҢ ІРІКТЕУ КЕЗЕҢІ
Толығырақ...