Жас киногерлерге байқау жарияланды!

Облыстық жастар саясаты мәселелері жөніндегі басқармаға қарасты Жастар ресурстық орталығы Конституция күніне орай жас режиссерлер арасында байқау жариялады. Өнер додасына 14-29 жас арасындағы шығармашыл жастар қатыса алады. Кино түсіруші мамандар 8 тақырып бойынша өз туындыларын ұсына алады. Бас жүлде - 500 мың теңге

18:08, 11 мамыр 2017   332

Сайыстың басты мақсаты - дарынды талантты жастарды қолдау. Жас буынның патриоттық санасын қалыптастыру. Байқауға облысымыздың барлық ауданынан кино түсіру ісін игерген режиссерлар қатыса алады. Басты шарт - қатысушының жасы 30-дан аспауы керек. Ұсынылған фильм қысқа метражды. Ұзақтығы 10 минуттан кем емес және 20 минуттан аспауы керек.

Береке Дүйсебеков - Облыстық жастар ресурстық орталығының директоры

Бірінші мәселе - әлеуметтік желінің пайдасы мен зияны. Бұдан бөлек, туризмді насихаттау. Өздеріңіз білесіз, оңтүстіктің табиғаты керемет. Туризм саласында көптеген жұмыстар атқарылып жатыр. Бізде соны жастар арасында туристер арасында насихаттау мақсатында оны таныстырамыз. 

Патриотизм, спорт, салауатты өмір салты, отбасылық құндылықтарды насихаттау, жемқорлыққа қарсы бағыттағы және әлеуметтік тақырыпта болуы керек. Әрбір қатысушы бірнеше фильм ұсына алады. Жаңадан бастаушыларға техникалық көмек беру де қарастырылған.

Бақберген Асанбаев - Жоба үйлестірушісі

Аэросъемка керек болса, стэдикам керек болса, дыбыстан көмек керек болса, осы салада жұмыс істеп жүрген аға буын өкілдері Серік, Жәнібек, Нұрғисамен ақылдасып, көмек береміз дедік.

Үміткерлер бүгіннен бастап, маусымның 11-іне дейін өтініш бере алады. Дайын өнімді ұсыну тамыздың 11-іне дейін жалғасады. Бас жүлде иегері 500 мың теңге ұтса, бірінші орынға 400 мың, екінші орынға 300 мың, ал, үшінші орын  иегеріне 200 мың теңге беріледі. Бұдан бөлек, үздік актер мен актрисаға, үздік оператор мен монтаждаушыға да 100 мың теңгеден ынталандыру сыйлықтары бар. Ендеше, бағыңызды сынап көріңіз! Толық мәліметті Жастар ресурстық орталығынан алуыңызға болады.

НҰРМАХАН Кенжехан                                                      

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07