ШҰҒЫЛ! ИНСУЛЬТ «ЖАСАРЫП» БАРАДЫ Толығырақ

Қазақстанда алғаш ашылған халықаралық университет

18:31, 7 желтоқсан 2017

Түркістандағы Қожа Ахмет Яссауи атындағы Халықаралық қазақ-түрік университеті – Тәуелсіздікпен тел жетілген оқу орны. Қазақстанда ең алғаш ашылған халықаралық университет. Түркі тілдес мемлекеттер арасында да жоғары мәртебеге ие болған жалғыз білім-ғылым ордасы. Мұны осы оқу орнында білім алатын әлемнің 32 елінен келген жастар да мақтан етеді.

Бұл оқу орнына 1992 жылғы мамырдың 1-і күні «халықаралық университет» мәртебесі берілді. Бұл атаққа ордалы білім шаңырағы Президент Нұрсұлтан Назарбаев пен Түркия Республикасының Премьер-Министрі Сүлеймен Демирелдің кездесуі нәтижесінде қол жеткізді. Дұрыс шешім толағай табысқа бастады.

Елбасының ықпалымен ашылған университет бүгінде рухани астанадағы ең ажарлы сәлет нысаны. Қалаға көрік берген оқу ордасы жергілікті тұрғындардың да алғысын арқалап отыр. Түбі бір түркі жұртының жалындаған жастарын бір шаңыраққа жинаған университет татулық ордасына айналған.

Университетте қазіргі таңда барлығы 10 мыңға жуық студент қазақ, түрік, орыс және ағылшын тілдерінде білім алады. 54 бакалавриат, 30 магистратура және 11 докторантура бағдарламалары бойынша жоғары білімді кәсіби мамандар дайындалады. Университетте 22 білім беру бағдарламасы бойынша қашықтықтан оқыту технологиясы жүзеге асқан.

Бүгінде білім ордасында түркітілдес мемлекеттер мен қауымдастықтардың жастары бір шаңырақ астында терең тарихи құндылықтарға сүйене отырып, білім алуда. Кешегі «Түркістан – түркі әлемінің мәдени астанасы" жылнамасына арналған ауқымды шараларда да сүбелі үлесін қосып келеді. Азат елдің абыройын асқақтатып, рухани астананың мәртебесін асыруда Елбасы ашқан нысанның ықпалы зор болып отыр.

ПЕРИЗАТ Биназарқызы

Тақырып бойынша материалдар

ҰБТ-ДАН АЗ БАЛЛ ЖИНАҒАН ТҮЛЕКТЕР НАЗАРЫНА!
13:09, 20 шілде 2018
ҰБТ-ДАН АЗ БАЛЛ ЖИНАҒАН ТҮЛЕКТЕР НАЗАРЫНА!
Толығырақ...
МАҚТАРАЛДА ЖАҢА ОҚУ ЖЫЛЫНДА 8 МЕКТЕП ПАЙДАЛАНУҒА БЕРІЛЕДІ
12:54, 11 шілде 2018
МАҚТАРАЛДА ЖАҢА ОҚУ ЖЫЛЫНДА 8 МЕКТЕП ПАЙДАЛАНУҒА БЕРІЛЕДІ
Толығырақ...

Танымал жаңалықтар

КӨНЕ ШАҺАРДАҒЫ КӨПҚАБАТТЫ ҮЙЛЕР МАВЗОЛЕЙДІҢ БИІКТІГІНЕН АСПАЙДЫ
16:51, 16 шілде 2018
КӨНЕ ШАҺАРДАҒЫ КӨПҚАБАТТЫ ҮЙЛЕР МАВЗОЛЕЙДІҢ БИІКТІГІНЕН АСПА...
Толығырақ...
ШӨПТІҢ ҚЫМБАТТЫҒЫ ШАРУА ЖАНЫНА БАТЫП ТҰР
12:27, 17 шілде 2018
ШӨПТІҢ ҚЫМБАТТЫҒЫ ШАРУА ЖАНЫНА БАТЫП ТҰР
Толығырақ...
МАҚТАРАЛ АУДАНЫНА ЖАҢА ӘКІМ ТАҒАЙЫНДАЛДЫ
18:49, 18 шілде 2018
МАҚТАРАЛ АУДАНЫНА ЖАҢА ӘКІМ ТАҒАЙЫНДАЛДЫ
Толығырақ...