ШҰҒЫЛ! «Астана» тұрғынүй кешені пайдалануға берілді Толығырақ

Ордабасылық 10 оқушы білім грантына ие болды

16:12, 10 тамыз 2017

Оқығысы келетін, бірақ мүмкіндігі жоқ, таланты бар, жігерлі жастарды қолдау - ел қамын ойлайтын азаматтардың ар алдындағы парызы. Оның үстіне, аз қамтамасыз етілген отбасы балаларына қолдау жасау - қашанда сауапты іс. Осындай қағидаларды негізге алған Шымкенттегі «Болашақ» колледжінің басшылығы Ордабасы ауданында 10 оқушыға білім грантын тапсырды.

     «Болашақ» білім орталығының басшысы Саттар Қуашбай –экономика ғылымдарының докторы, облыстық мәслихаттың депутаты. Бұл орталық балабақшадан бастап, университетке дейінгі білім беруді жолға қойған. Бұған дейін колледж тарапынан Төлеби ауданына 20 грант бөлініп келген. Биылдан бастап, 5 ауданға бөлуді жөн деп тапқан. Ендігіде Төлеби, Қазығұрт, Шардара, Бәйдібек және Ордабасы ауданының 50 түлегі колледжде тегін оқитын болды.

САТТАР ҚУАШБАЙ – «БОЛАШАҚ» БІЛІМ ОРТАЛЫҒЫНЫҢ ДИРЕКТОРЫ

  • Мұндағы басты мақсат: шалғай ауылдағы жетім, жартылай жетім, асыраушысы жоқ, яғни, талантты, жігерлі жастар бар. Бірақ оқуға мүмкіндігі жоқ. Міне, осындай балаларды қамқорлыққа алып, оларды оқытып, өмірге қанаттандырып шығару - басты мақсат.

     Грант тек тегін оқу емес. Бұл мәртебеге ие болған талапкер айына 16 мың 700 теңге шәкіртақы алады. Жақсы оқыса, үздік шәкіртақыға тағы 5000 теңге қосылады. Одан қалса, жылына 2 рет ауылына барып-қайту қаражаты деп 9098 теңге беріледі. Жататын орын және ыстық тамақпен қамтылады. Осындай мүмкіндік жасаған ел азаматтарына талапкерлер мен ата-ана «алғыстан басқа айтарымыз жоқ,- дейді.

ӘЙГЕРІМ ОМАРХАН – ГРАНТ ИЕГЕРІ

  •  «Болашақ» мамандығым, ағылшын тілінің мұғалімі мамандығын таңдадым. Болашақта осы мамандықты дамытып, келешекте магистратураны бітірсем деген ниетім бар және де рахмет сіздерге.

НҰРСҰЛУ КЕҢГІРБАЕВА- АТА-АНА

  • Ұлым Серікбай Балғабайды осы «Болашақ» колледжіне оқуға түсіріп, осы Ордабасы ауданынан тегін жолдама алып отырмын. Менің жанұям үшін өте үлкен көмек болды. Менің ең үлкен перзентім еді. Бұлай енді ақысыз болған соң келісіп отырмын. Ақылы оқытуға менің жағдайым, мүмкіншілігім жоқ еді.

     «Болашақ» білім орталығы осылай тағы бір игі бастаманы қолға алды. Мұндай қамқорлықты өзге де білім ордалары көрсетіп жатса, нұр үстіне нұр болмақ.

НҰРМАХАН Кенжехан

Тақырып бойынша материалдар

Оқушылар ең таңдаулы кәсіпорындарға экскурсия жасады
17:47, 15 желтоқсан 2017
Оқушылар ең таңдаулы кәсіпорындарға экскурсия жасады
Толығырақ...
Созақта қос бірдей балабақша пайдалануға берілді
17:39, 15 желтоқсан 2017
Созақта қос бірдей балабақша пайдалануға берілді
Толығырақ...

Танымал жаңалықтар

Оралдың жігіті Шымкенттік қызға бүйрегін  берді
17:53, 11 желтоқсан 2017
Оралдың жігіті Шымкенттік қызға бүйрегін берді
Толығырақ...
58 жаста зейнетке шығатын әйелдер тезірек  тіркелуі керек!
17:37, 15 желтоқсан 2017
58 жаста зейнетке шығатын әйелдер тезірек тіркелуі керек!
Толығырақ...
Ғабидолла Әбдірахымов Шымкентке келді
17:41, 13 желтоқсан 2017
Ғабидолла Әбдірахымов Шымкентке келді
Толығырақ...