Жаңа оқу жылына - жаңа балабақша

Түркістан қаласына қарасты Құнтиын ауылында балабақша салу кезек күттірмес іс еді. Енді биылғы оқу жылын елдімекен балғындары 120 орындық жаңа бөбекжайда қарсы алмақ. Нысан құрылысы 2016 жылдың қарашасында басталған болатын. Балғындар ғимараты бітуге таяу.

15:47, 10 тамыз 2017   62

     Балабақшаның салынуы, ең алдымен, бүлдіршіндер мен қарияларға қуаныш сыйлады. Күн ұзақ бала бағумен уақыт өткізетін қарттардың енді қолы босап, қаусаған шақта ем-домға мән бермек. Оның үстіне, немерелері мектепке дейінгі сауатын осында ашып, әріп танитынына дән риза. Бұл балғындардың оқу ордасында білім шыңын бағындыруға да септігін тигізбек.
      Құрылыс жұмыстарын 90-ға жуық жұмысшы атқарды. Дені - жергілікті тұрғындар. 10 адам «Жол картасы-2020» бағдарламасы негізінде еңбек етуде. Құрылысқа қажетті материалдар толығымен қазақстандық өнімдер. Мердігер бар талаптың үдесінен шығып отыр.

      Балабақшаның құрылысына қазынадан 220 млн. теңге бөлінген. Заман талабына сай бой көтерген ғимаратта бүлдіршін игілігі үшін барлық жағдай жасалған. Ауыл тұрғындары жаңа білім ордасы перзенттерінің оқуға деген ынтасын арттырады, - деп, ертеңге зор үмітпен қарайды.

ДИДАР Өмірзақова

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07