ШҰҒЫЛ! ЖАҢА ӘКІМДЕР ТАҒАЙЫНДАЛДЫ Толығырақ

КОРЕЯЛЫҚ ДӘРІГЕР ТЕГІН КЕҢЕС БЕРУДЕ

20:09, 16 сәуір 2018

Шымкентке Оңтүстік Кореяның білгір дәрігерлері келді. Шетелдік мамандар облыстық ауруханада науқастарға тегін медициналық кеңес беріп жатыр. Есімі әлемге мәшһүр профессорлар - Ким Дже Хон және Ким Ён Джин тұрғындарға емделудің тиімді жолдарын айтып берді. Шетел мамандарынан жергілікті ақ халаттылардың үйренері көп. Тәжірибе алмасып, шеберлікті шыңдау хирургия саласындағы жетістіктерді еселемек.

40 жастағы жергілікті азаматтың  бүйрегі сыр беріп, мазасын алып жүргеніне біраз уақыт болыпты. Көктем келгелі бойдағы кеселі қоза түсті. Қиналғанда, жанын қоярға жер таппайды. Бармаған жер, баспаған тауы қалмаған ол - бүгін Сунчонхян медициналық орталығының білгір мамандарынан кеңес сұрады. Ем алудың тиімді тұстарын сұрап, білді.

Шетелдік делегацияны бастап келген профессорлар Ким Дже Хон және Ким Ён Джин Сеулдегі Сунчонхян медициналық орталығында еңбек етеді. Бұған дейін алматылықтарға тегін кеңес берген. «Ерлер арасындағы несеп жолдары, простатит және аденома дертінің дендеуі салауатты өмір салтын ұстанбаудан»,- дейді шетелдік дәрігерлер. Компьютер алдында ұзақ отырып, жұмыс істеу мен дене қимылының аздығынан да ауру асқынатын көрінеді.

Ким Дже Хон - Сунчонхян медициналық орталығының профессоры /Оңтүстік Корея/

Қуықасты безінің несептасы, простата-аденома ауруларының пайда болуына сыртқы климаттық жағдайлар себеп болады. Суық су мен алкогольді ішімдікті көп тұтынатын тұрғындарда бұл аурулар көп кездеседі. Спортпен шұғылданып, салауатты өмір салтын ұстану қажет. Жалпы негізінен Сунчонхян медициналық орталығының дәрігерлері  екі жылдан бері қайырымдылық шараларын жүргізіп жатырмыз.  Бұл – үшінші келуіміз. Жер-жерді аралап, науқастарға тегін кеңес береміз. Бұл жолы 4 дәрігер шымкенттік әріптестерге шеберлікті шыңдау дәрістерін өткізуге келдік.

 

Өткен жылы Оңтүстік Қазақстан облыстық денсаулық сақтау басқармасы мен Оңтүстік Кореялық дәрігерлер арасында екіжақты меморандум түзілген. Құжат бойынша былтырдың өзінде 6 жергілікті ақ халатты Корей еліне барып, біліктілігін арттырып келді. Ал, биыл тағы 8 дәрігер Сеульге жол тартпақшы.

Марат Пашимов – облыстық клиникалық аурухананың бас дәрігері

2017 жылдан бері меморандум негізінде 6 дәрігер Кореяға барып, оқып келді. Сөйтіп, 17 рет ота жасады. Заманауи технология негізінде. Былтыр алты операция жасалған шетелдік профессорлардың қатысуымен. Енді өздері жасап жатыр үйренгендерін...  

Сеульде екі ай оқып, шеберлігін шыңдап келген жас маманның бірі – Бағдат Дүкенов. Білікті уролог шетелдік әріптестерінен роботты хирургия және лапороскопиялық ота жасаудың қыр-сырын меңгеріп келді. Қазір білгенін, ойға түйгенін өзге әріптестеріне үйретіп жүр.

Бағдат Дүкенов -  облыстық клиникалық аурухананың дәрігер-урологі

Екі ай көлемінде оқыдық. Ол жақта негізі роботты хирургия дамыған. Айта берсек, артықшылық көп.  Біз енді практикада соны енгізіп жатырмыз...

Отандық медицинаның бүгіндері жетістіктері мол. Соған қарамастан, екіжақты әріптестіктің әлемдік емдеу шараларын дамытуда септігі орасан болмақ.

Г. Қалмырзақызы                                            

Тақырып бойынша материалдар

АУДАНДЫҚ АУРУХАНАҒА «ТРИАЖ» ЖҮЙЕСІ ҚОСЫЛДЫ
17:07, 13 шілде 2018
АУДАНДЫҚ АУРУХАНАҒА «ТРИАЖ» ЖҮЙЕСІ ҚОСЫЛДЫ
Толығырақ...
МЕДИЦИНАЛЫҚ САҚТАНДЫРУДЫҢ АРТЫҚШЫЛЫҒЫ КӨП
16:09, 13 шілде 2018
МЕДИЦИНАЛЫҚ САҚТАНДЫРУДЫҢ АРТЫҚШЫЛЫҒЫ КӨП
Толығырақ...
МЕДИЦИНАЛЫҚ САҚТАНДЫРУДЫҢ ТИІМДІЛІГІ ТҮСІНДІРІЛДІ
16:34, 12 шілде 2018
МЕДИЦИНАЛЫҚ САҚТАНДЫРУДЫҢ ТИІМДІЛІГІ ТҮСІНДІРІЛДІ
Толығырақ...

Танымал жаңалықтар

ТҮРКІСТАН ӘЛЕМДІК ДЕҢГЕЙДЕГІ ТАРИХИ-МӘДЕНИ ОРТАЛЫҚҚА АЙНАЛАДЫ
16:04, 13 шілде 2018
ТҮРКІСТАН ӘЛЕМДІК ДЕҢГЕЙДЕГІ ТАРИХИ-МӘДЕНИ ОРТАЛЫҚҚА АЙНАЛАД...
Толығырақ...
ОБЛЫСЫМЫЗДАҒЫ ЖАҢА АУДАНДАРДЫҢ ШЕКАРАСЫ БЕКІТІЛДІ
17:00, 10 шілде 2018
ОБЛЫСЫМЫЗДАҒЫ ЖАҢА АУДАНДАРДЫҢ ШЕКАРАСЫ БЕКІТІЛДІ
Толығырақ...
ЕЛБАСЫ ТҮРКІСТАН ОБЛЫСЫНЫҢ ӘКІМІ МЕН ХАЛҚЫНА АЛҒЫСЫН БІЛДІРДІ
12:09, 11 шілде 2018
ЕЛБАСЫ ТҮРКІСТАН ОБЛЫСЫНЫҢ ӘКІМІ МЕН ХАЛҚЫНА АЛҒЫСЫН БІЛДІРД...
Толығырақ...