Медициналық сақтандыру – сапалы қызмет кепілі

Ұлт жоспары - 100 нақты қадамның бір бағыты науқастарды сапалы медициналық қызметпен қамтамасыз ету болып табылады. Сырқатқа селқос қарап, науқасты сылап-сипап қайтару міндетті әлеуметтік медициналық сақтандыру жобасына жат. Аймақтық дәрігерлер осы орайда реформа жаңалықтарын енгізуге кірісіп кетті. Олар үй-үйді аралап, түсіндіру жұмыстарын жүргізуде

17:19, 20 сәуір 2017   121

Ұлт жоспарындағы 81-ші қадам - еліміздің әлеуметтік салада қол жеткізетін 8 жетістігінің бірі. Сондықтан оны сапалы орындау  денсаулық сақшыларынан жоғары біліктілікті талап етеді. Шымкент теміржол ауруханасының дәрігер-терапевті Эльмира Онтаеваның айтуынша, Қазақстандағы сақтандырудың негізгі ерекшелігі әлемдік тәжірибенің тиімді тұстары негізінде алынған. Мәселен, әлеуметтік әлсіз топтар, балалар мен жұмыссыздардың қызметті тегін пайдалануы заңда айшықталған.

Эльмира Онтаева - Шымкент теміржол ауруханасының дәрігер-терапевті

Күлпан Маханбетова - Мейірбике

Ал, аурухананың аймақтық дәрігері Ділбар Әбдірахманова көрсетілетін дәрігерлік көмектің сапасы төленетін жарнаға тәуелді емес екенін айтады. Медициналық көмек барлығына бірдей көрсетіледі. Егер азаматтар ерікті сақтандыруға қатысатын болса, медициналық жүйеде қарастырылмаған көмекті де ала алады. Ол жеке сақтандыру компанияларымен бекітілген келісімшарт негізінде жүзеге асырылады.

Ділбар Әбдірахманова - Аймақтық дәрігер

Ондаған жыл бойы мемлекеттік емханаларда озық тәжірибені меңгерген мамандар қазір жекеменшік клиникалар ашып, жұмысын ептеп отыр. Медициналық қызмет үшін жасалатын төлемдер қордағы ақшадан алынатын болғандықтан, енді емдеу мекемелері арасында бәсекелестіктің баста­латыны сөзсіз. Бұл өз кезегінде  медициналық қызмет көрсетудің сапасын арттырады.

САТТАР Есімбеков 

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07