ШҰҒЫЛ! Әлдекімдер бір топ халықты әлеуметтік желі арқылы оңдырмай алдады Толығырақ

4,5 млрд. теңгеге жұрт лай су ішіп отыр

12:12, 16 мамыр 2017

Төлеби ауданының орталығы Леңгір қаласының тұрғындары біраз уақыттан бері тіршілік нәрінен таршылық көріп келеді. Қаланы құбыр суымен қамту үшін бір кездері 4,5 млрд. теңге жұмсалғанымен, халық әлі лай су ішіп отыр. Ашынған ағайын қыруар қаржының желге ұшып, үміттерінің аяқасты болғанын телеарна тілшісіне айтты.

Мына суды тұндырып ішпесе, жарамайды. Халықтың бірнеше ыдысқа құйып қоюы да сол себептен. Тұрғындар ақысын төлеп ішкен суының өзі лайқа екеніне налып отыр. 

Халық: Біз мейлі енді өмір сүрдік. Бала – шағадан обал ғой...

Бұл су құбырының құрылысы 2012 жылы басталған. Оған мемлекеттік қазынадан  аз емес, бақандай 4,5 млрд. теңге бөлінді. Жұмысты мемлекеттік сатып алу бойынша «Шымкентмонтаж» мекемесі жүргізген. Алайда, басталған істе баян жоқ. Сапасыз біткен. Мұны аудандағы халық қалаулылары да растап отыр. Тіпті, сол істің сапасыз атқарылып жатқаны жөнінде кезінде аудан әкіміне депутаттық сауал да жолданған. Бірақ одан да нәтиже шықпапты.

Ғабдулин Елубаев – Төлеби ауданының құрметті азаматы

Осы құрылыстың сапасы сын көтермейтіні туралы мен депутаттық сауал жібергем. Сөйте тұра, біз шырылдағанымен, әкім-қаралар оған құлақ та асқан жоқ...  

Құлақ аспағанның кесірін енді халық тартып отыр. Осыдан екі жыл бұрын бітуі тиіс құрылыс жұмысы әлі күнге созбаланып келеді. Ал, билік әлі де жалпақшешейлік танытып келеді.  

Мастерхан Пернебеков – Төлеби ауданы әкімінің орынбасары

Мердігер мекемеге бір ай мерзім берілді. Кемшіліктердің бәрін жою туралы. Мердігер мекеменің директоры бұл мәселені бір ай көлемінде жоюға уәде беріп отыр. Егер берілмеген жағдайда тағы құқыққорғау органдарына беріледі.

Айтпақшы, 2 жыл бұрын бітуі тиіс құрылыстың кемшіліктеріне қатысты қылмыстық іс те қозғалған. Бірақ, нәтижесіз. Ал, бітпеген істен бір кемшілік күн сайын табылуда.

МАҚСҰТ Айтжанов

Тақырып бойынша материалдар

Жасырынған полицейлер түсірілім топтың алдында ақталумен болды
20:36, 10 қазан 2017
Жасырынған полицейлер түсірілім топтың алдында ақталумен бол...
Толығырақ...
Кешегі экстремистік топ мүшелері деп ұсталғандарды бостатып жіберген бе?
17:10, 20 қыркүйек 2017
Кешегі экстремистік топ мүшелері деп ұсталғандарды бостатып...
Толығырақ...
"Qazaqstan" телеарнасы жаңа маусымда бұрын-соңды болмаған жобаларды ұсынады
17:46, 25 тамыз 2017
"Qazaqstan" телеарнасы жаңа маусымда бұрын-соңды болмаған жо...
Толығырақ...

Танымал жаңалықтар

Шымкенттің 50 тарта кәсіпкері Германияда білімін жетілдірмек
17:38, 12 қазан 2017
Шымкенттің 50 тарта кәсіпкері Германияда білімін жетілдірмек
Толығырақ...