Соңғы 5 жылда Кентау қаласында суға кету оқиғалары тіркелмеген

Кентау қаласы әкімдігінің мамандары шомылу маусымына дайындық шараларын пысықтады. Қала әкімінің орынбасары Рашид Мыңбаев төтенше жағдайлардың алдын-алу бойынша мамандар есебін тыңдады. Кентау қаласы бойынша 7 аймақта шомылуға рұқсат етілген. Дегенмен тұрғындардың кейде тыйым салынған аймақтарда демалып, шомылатыны мамандарды алаңдатып отыр.

18:37, 19 мамыр 2017   179

Жиында баяндама жасаған қалалық төтенше жағдайлар бөлімінің басшылығы жаз айларында суға шомылу кезіндегі сақтық шараларын сақтамауы салдарынан түрлі оқыс оқиғалар орын алатынын айтты. Шомылу барысында ұстанатын сақтық шаралармен таныстырды.

Төтенше жағдайдың алдын алу бойынша қазіргі таңда Кентау қаласы әкімі аппаратының және қалалық төтенше жағдайлар бөлімінің ұйымдастыруымен арнайы іс-шара жоспарлары бекітілген. Осыған сәйкес, мамандар суда жүзе алатын қала тұрғындарына батып бара жатқан адамға қалай көмектесуге болатынын түсіндірді.

Рашид Мыңбаев – Кентау қаласы әкімінің орынбасары

Кестеге сәйкес, тұрғындар, білім беру орындарының оқушы-студенттері, ата-аналарға сақтық іс-шаралар бойынша түсіндіру мен насихаттау жұмыстары жүргізілуде. Айта кетейік, соңғы 5 жылда Кентау қаласында суға кету оқиғалары тіркелмеген.

САТТАР Есімбеков

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07