Облыста жаңа жобалар қолға алынбақ

Облыс әкімі Жансейіт Түймебаев түстік өңірдің туризмін дамытуға үлес қосатын аудандардың жаңа жобаларымен танысты. Түркістан қаласын әлемдік деңгейдегі тарихи-мәдени орталық ретінде дамыту тұжырымдамасына қанықты. Отырар ауданындағы «Арыстан баб» кесенесінің және «Көне Отырар» қалашығының айналасын абаттандыруға қатысты жоспарларды бағамдады

16:11, 20 сәуір 2017   327

Өңір басшысына алдымен, Түркістан қаласын тарихи қалашық ретінде қалыптастыру бойынша дайындалған тұжырымдама түсіндірілді. Тарихтан теберік боп қалған мекеннің қайта гүлденуі мен түрленуін Жансейіт Түймебаев мақұлдап отыр.

Жансейіт Түймебаев – Облыс әкімі

Жиында «ЭКСПО-2017» көрмесіне орай, тарихи қаланы абаттандыру бағытындағы жұмыстар талқыланды. Туристік бағыттағы аудан-қалалардағы көшелер мен инфрақұрылымдық, сервистік қызметтердің сапасын жақсарту өзекті екені кеңінен айтылды.

Әліпбек Өсербаев – Түркістан қаласының әкімі

Қазір бір ғана Шымкент қаласының өзінде екі жоба қолға алынбақ. Бірі – ескі қалашық аумағы болса, екіншісі - «Шымкент сити» паркінің құрылысы. Бұл бойынша аумақта орналасатын нысандардың жобасы таныстырылды.

Еркін Жүсіпов – Облыстық сәулет және қала құрылысы басқармасының басшысы

Айтып өту керек, қазір облыста қала құрылысы кеңесі құрылған. Ондағы мақсат – бірыңғай сәулеттік және қала құрылысы саясатын іске асыру.  Бүгінде бұл ұйым жүйелі жұмыс жүргізіп келеді.

ПЕРИЗАТ Биназарқызы

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07