Жаңа бағдарлама - жаңа мүмкіндік

«Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы». Мемлекеттік құжаттағы міндетті межені орындауға Қазығұрт жұртшылығы жұмылуда. «ONTUSTIK» кәсіпкерлерге қызмет көрсету орталығы биылдың өзінде екі мыңнан астам азаматты кәсіби оқудан өткізбекші.

12:17, 19 мамыр 2017   322

Елбасы шағын және орта бизнесті  дамытудың қажеттілігін ұдайы айтып келеді.  Бұл саланы назардан  тыс  қалдырған  емес. Өйткені, береке – бизнесте. Осыны ескерген  «ONTUSTIK» кәсіпкерлерге қызмет көрсету орталығы ісін ілгерілетуге ниетті азаматтарды арнайы оқытып жатыр.

Баймахан Кенжеев – Жеке кәсіпкер

Бағыты айқын бағдарлама бекітілісімен, орталық жыл басынан бері 266 азаматты оқытуда. «Бұйыртса, сертификат алатын күн де алыс емес»,-дейді кәсіпкерлік көкжиегін кеңейткен Жәмилә Қанаева. Іскер келіншек 6 млн. теңге несие алды. Оған 40 бас асыл тұқымды, етті бағыттағы ірі қара алып, қазір  бордақыға қойған.  

Жәмилә Қанаева - Жеке кәсіпкер

«Техникалық, кәсіптік біліммен және қысқа мерзімді кәсіптік оқумен қамтамасыз ету». «Бұқаралық кәсіпкерлікті дамыту» және «Халықты жұмыспен қамтуға жәрдемдесу, еңбек ресурстарының ұтқырлығы арқылы еңбек нарығын дамыту». Жаңадан бекітілген бағдарламаның осы үш бағыты бүгінде мықты қолдауға ие.

ГҮЛСАНАТ Қалмырзақызы     

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07