Мерекелік сенбілік

Ұлттық пайымымызда таза үйге ғана бақыт келеді деген сенім бар. Ұлыстың Ұлы күні қарсаңында қала тазалығына мән беріліп, Қошқар ата өзені маңында тазалық жұмыстары жүргізілді. Сенбілік шараға көшбасшы партияның «Жас Отан» жастар қанаты мен Қазақстан мұсылмандары діни басқармасы ұйытқы болды. Белсенді жастар бұл күні 100 тал көшет отырғызды

19:44, 18 наурыз 2017   130

Шараға туған қаласының тазалығына бейжай қарамайтын 100-ге тарта Шымкент медресе колледжінің студенттері қатысты. Наурыз мейрамына арналған бұл шара Ұлыстың ұлы күні қарсаңында көшелерді тазалап, қоғамды ізгі іске шақыруға мүмкіндік берді.

Ата дәстүр бойынша Наурыз мейрамына дайындық тазалықтан бастау алады. Мұны ескерген Республикалық «Жас Отан» жастар қанатының белсенділері де сенбілікте өзен-көлдердің маңы мен арық-атыздарды қоқыстан тазартты.

Торқалы той қарсаңындағы тың бастамалардың елге шарапаты тиіп отыр. Гүлденген қала ажарына көрік қосу үшін мұндай жалпықалалық сенбіліктер алдағы уақытта да жалғасын таппақ.

АҚМАРАЛ Көпжасарова

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07