ШҰҒЫЛ! Әлдекімдер бір топ халықты әлеуметтік желі арқылы оңдырмай алдады Толығырақ

Жаңа гүлзар - «Қазтрансойлдан» Наурыз тарту

18:27, 18 наурыз 2017

Шымкент – сәулетті қала. Халқы миллионды еңсерген шаһардың келбеті де көрікті болуы қажет. Осыны ескерген «ҚазтрансОйл» АҚ-ның Шығыс филиалы Шымкент мұнай құбырлары басқармасының қызметкерлері «Нұрсәт» мөлтекауданы аумағында жаңа аллеяны пайдалануға берді. Сәндік ағаштар отырғызып, көпқабатты үйлердің маңын гүлмен көмкерді. Игілікті шараға облыс әкімінің бірінші орынбасары Дархан Сатыбалды қатысып, мұнайшыларды Наурыз мейрамымен құттықтады

Шымкентте 8 саябақ, 30 гүлзар, 1 дендросаябақ бар. Оның жалпы аумағы жасыл желекпен қосқанда 300 гектар шамасында. Мұны миллион тұрғынға шақсаңыз, адам басына бар болғаны 3-ақ шаршы метрден тиеді. Ал, санитарлық талаптар бойынша қалада әрбір адамға 16 шаршы метр жасыл желек болуы керек. Сондықтан да көпқабатты үйлердің маңын көгалдандыру  уақыт күттірмейді. Аллеялардың қатарын көбейтіп, өзге де мекемелерді игілікті іске белсене қатысуға шақырамыз, -  деді облыс әкімінің бірінші орынбасары.

 «Қазтрансойл» АҚ-ы қамқорлығымен жиырма жылдың ішінде бірқатар игілікті істер жүзеге асты. Алыс ауылдарға су құбыры тартылды. Шолаққорған ауылынан 280 орынды балабақша ел игілігіне берілді. Бүгінгі іс шара  да - соның бір көрінісі.

Сіріңкенің шиіндей бір-бірімен жалғасып жатқан темір құбырларды бақылайтын мұнайшылар да бүгін қолдарына күрек алып, ағаш отырғызды. Алдағы уақытта аллеяның тазалығы мен гүлдерді, көшеттерді баптауды мекеме қызметкерлері өз міндеттеріне алмақ. Жас көшеттер енді шағын саябаққа көрік беретін болады.

ГҮЛЖАУХАР Ахметқызы

Тақырып бойынша материалдар

Бірлігі жарасқан білім ордасында -  Наурыз той
15:41, 1 сәуір 2017
Бірлігі жарасқан білім ордасында - Наурыз той
Толығырақ...

Танымал жаңалықтар

Шымкенттің 50 тарта кәсіпкері Германияда білімін жетілдірмек
17:38, 12 қазан 2017
Шымкенттің 50 тарта кәсіпкері Германияда білімін жетілдірмек
Толығырақ...