Құрылысшылар күні тойланды

Тамыздың екінші жексенбісі - елімізде құрылысшылар күні. Биыл бұл мерекені облысымызда 10 мыңға жуық маман атап өтуде. Бүгін солардың бір парасы марапат алып марқайды. Ал, тағы бір легі «Көрме орталығында» өздері өндірген құрылыс материалдарын көпшілік назарына ұсынды.

17:28, 11 тамыз 2017   57

     Құрылысшылар күніне орайластырылған көрмеге 80-нен астам тауар өндірушінің өнімдері қойылды. Барлығы да - күнделікті тұрмыста сұранысқа ие өнімдер. Келушілер әр қадам жасаған сайын  таңданыстарын жасыра алмауда.  

     Ал, негізгі салтанатты рәсімде өңір құрылысшыларының жеткен жетістіктері мен еткен еңбектері дәріптелді. Бейнеттің биігінен көрінгендер «Құрметті құрылысшы» атағын иемденіп, министрлік пен өңір билігінің алғыс хатына қол жеткізді. Солардың бірі - өз өмірінің басым бөлігін құрылыс алаңында өткізген Кәрім Қарсыбаев. Жас кезінде қарапайым жұмысшы қатарынан зауыт басшысы қызметіне дейін көтерілген жан жасы жетпістен асқанда «Құрметті құрылысшы» деген атаққа ие болды.

КӘРІМ ҚАРСЫБАЕВ – ҚР ҚҰРМЕТТІ ҚҰРЫЛЫСШЫСЫ

  • Союз кезәнде типовой проект деп бәрі біркелкі бола беретін. Қазір Тәуелсіздік алғалы өте сәулетті құрылыс жүріп жатыр. Бұрынғы біздің кезде бір мектепті 2-3 жыл салатынбыз. Қазір 1 жылда бітіріп жатыр. Сапасы да, қарқыны да жақсы. Мен ризамын.

     Қазір облысымызда құрылыс жұмыстарымен айналысатын 60-қа жуық компания бар. Олар 200-ден астам нысанда құрылыс жұмыстарын жүргізіп, мыңдаған шақырым жолды жөндеуде. Аймақ ажарының ашылуына осы орайда мыңдаған маман тер төгуде.  Еселі еңбек ескерусіз емес. Облыста құрылыс басындағы жұмысшылардың әлеуметтік мәселесін оң шешу үшін  мемлекет тарапынан бар көмек көрсетілуде.  

ЖАНСЕЙІТ ТҮЙМЕБАЕВ – ОБЛЫС ӘКІМІ

  • Соңғы жылдары құрылыс саласына арналған инвестициялар көлемі республикалық, облыстық және аудандық бюджет сонымен қатар компания қаржылары есебінен өсуде....

     Кәсіби айшықты мереке біздің елде 1998 жылдан бері аталып өтуде. Сәйкесінше, қоғамда құрылысшыларға деген құрмет те жыл өткен сайын артып келеді.

МАҚСҰТ Жарылқасын

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07