Қуық асты безінің қатерлі ісігі асқынып тұр

Облысымызда соңғы 5 айда 60-тан аса ер адам қуықасты безінің қатерлі ісігіне шалдыққан. Осыған алаңдаған облыстық онкологиялық диспансер дәрігерлері Ресей мамандарымен тәжірибе алмасты. Мәскеу қаласының ғылыми-зерттеу онкологиялық институтының аға қызметкері Кирилл Нюшко ақ халаттыларға арнайы дәріс оқыды. Қауіпті дертті ерте кезде анықтаудың жолдарын түсіндірді.

14:27, 19 мамыр 2017   189

Ер азаматтар арасында жүргізілген скринингтік зерттеулер нәтижесінде 60 пайыз жағдайда ауру 3-4 сатысында анықталатыны белгілі болды. Алғашқы медициналық көмек уролог және онколог мамандардың бірлесе жұмыс істеуінің маңыздылығын көрсетеді.

Нұржан Нұрғалиев - Қазақ онкология және радиология ғылыми зерттеу институты онкоурология орталығының басшысы

Онкоурологиялық форум аясында қуықасты безінің қатерлі ісігіне ота жасау жоспарлануда. Ресейден келген мамандар қуық пен аталық бездің қатерлі ісіктерін ерте диагностикалау мен емдеу тәсілдерін талқылады.

Кирилл Нюшко - Мәскеу қаласы ғылыми-зерттеу онкологиялық институтының аға қызметкері

Кирилл Нюшко қуықасты безі ер азаматтар үшін екінші жүрегі екенін айтады. Себебі, жігіттердің өмір сүру сапасы осы органға тікелей байланысты. Сондықтан ерлер репродуктивті жүйенің қалыпты жұмыс істеуіне, оның күтіміне баса назар аударуға тиіс.

САТТАР Есімбеков                                                                 

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07