Мемлекеттік қызметте дөрекілік танытқандар кімдер?

Бүгінде мемлекеттік қызметшінің кәсіби біліктілігі ғана емес, оның жүріс-тұрыс әдебі де ерекше назарда. Жыл басынан бері әдеп жөніндегі кеңесте 54 мәселе қаралған. Оның басым бөлігі сыбайлас жемқорлықпен күресті күшейтуге бағытталған. Елбасының «100 нақты қадам» - Ұлт жоспарына сай, мемлекеттік қызметшілерді қайта даярлап, тестілеуден өткізу жұмыстары да оң нәтижесін беріп отыр.

16:01, 10 тамыз 2017   169

     Соңғы алты айда облысымызда мыңға тарта бос мемлекеттік әкімшілік лауазымға конкурс жарияланған. Оның тең жартысының бүгінде жеңімпазы белгілі.  Мықтылардың 200-і  меритократия принципі бойынша  билік сатысында жоғарылады.

     Қынжылтатын мәселе – біздің облыста электронды қызметті пайдалану жағы кенжелеп тұр. Мамандар «бұл жүйе сыбайлас жемқорлық әрекеттерінің алдын алады» деген пайымда. Соған қарамастан, өңірімізде бүгінде бармақ басты, көз қысты әрекеттер біршама тыйылған.

     Әдеп жөніндегі уәкілдікке осы уақытқа дейін 10 арыз түсіп, тиісті жауаптар берілген. Шағымдардың дені - мемлекеттік қызметшілердің дөрекілігіне байланысты.  Осы олқылықтың орнын толтыру мақсатында  өңірлік департамент  арнайы семинарлар өткізуді қолға алған. Онда  халыққа сапалы әрі сыпайы қызмет көрсетудің жөн-жосығы түсіндіріледі.

ПЕРИЗАТ Биназарқызы

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07