ШҰҒЫЛ! ЕРСҰЛТАН МҰЗАППАРОВ "ӘЛЕМ БАРЫСЫ-2018" ТУРНИРІНІҢ КҮМІС ЖҮЛДЕГЕРІ Толығырақ

«SHYMKENT BUILD-2018» ҚҰРЫЛЫС ЖӘНЕ ИНТЕРЬЕР КӨРМЕСІ БАСТАЛДЫ

17:28, 13 наурыз 2018

«Shymkent build-2018». Облысымызда осындай атаумен құрылыс және интерьер көрмесі өтті. Ұлттық кәсіпкерлік палатасы ұйытқы болған шараға 300-ден астам тауар өндіруші қатысып, өз өнімдерін ұсынды. Облыс әкімі Жансейіт Түймебаев шет елден келген қонақтарды көрменің ашылуымен құттықтап, кәсіпкерлердің жұмысына табыс тіледі.

Саттар Есімбеков-тілші

Соңғы 15 жылда құрылыс қарқын алған түстік өңір үшін бұл көрменің маңызы ерекше. Бүгінгі көрмеге қатысушы қонақтардың 50%-ы шет келген келген кәсіпкерлер. Қалғаны жергілікті тауар өндірушілер. Солардың бірі -«Ekam Stone» компаниясы ұлттық кәсіпкерлік палатасының қолдауымен 4 түрлі өнімін нарыққа шығарды. Мәселен мына иілгіш клинкер 8 күндегі процестік циклде дайындалады. Мамандар 12 түрлі шикізаттық қоспа қосу арқылы сапасына баса көңіл бөледі.

Гүлнәр Жолдыбаева «Ekam Stone» серіктестігінің табысын еселеу үшін 3 жылдан бері тынбай еңбек етуде. Жаяу жүргіншілер жолына арналған құрылыс материалдары 25 жылға төтеп береді. Тауардың сапасы мен сыртқы пішіні дизайнерлердің кәсіби көзқарасына негізделген. Тұтынушылардың талғамына сай келеді.

Гүлнәр Жолдыбаева - «Ekam Stone» компаниясының директоры

Біз өнімді өндіру барысында неміс технологиясын пайдаланамыз. Себебі Еуропа еліндегі жаяужол тастары ұзақ жылға жарайды. Ал бізде 5 жыл өтпей қайта төсеуді қажет етеді. Осындай олқылықтың алдын-алу үшін біздің өнім-таптырмас тауар болып есептеледі.

Көрменің басты қонақтары Өзбекстан мен Ресейден келді. Көрші ел кәсіпкерлеріне аймақ басшысы арнайы құрмет көрсетіп, тәжірибе алмасудың маңыздылығын екшеді. Бизнес белсенділігі жоғары елдің 3-ші қаласындағы құрылыс қарқынын бағамдады. Бұл сектор 428 гектарды қамтитын «Shimkent City» жаңа ауданын абаттандыруға серпін береді,-деді.

Айта кетейік, тауар өндірушілер көрмеге пенополистиролдан жасалған зер, су эмульсиясы, әліпмай мен гипс-қатырма сынды бірнеше отандық өнімдерін ұсынды. Сондай-ақ, құбырларды біріктіргіш бөлшектер мен қазандық жабдықтары да келушілердің сұранысын арттырды. Жансейіт Түймебаев кәсіпкерлерді шартарап тәжірибесін қолдану арқылы  шымшаһарды көркейтуге шақырды.

C. Есімбеков 

Тақырып бойынша материалдар

ТҮЙЕ МЕН БИЕ СҮТІНЕН ҰНТАҚ ШЫҒАРАТЫН ЗАУЫТ ІСКЕ ҚОСЫЛДЫ
17:58, 11 желтоқсан 2018
ТҮЙЕ МЕН БИЕ СҮТІНЕН ҰНТАҚ ШЫҒАРАТЫН ЗАУЫТ ІСКЕ ҚОСЫЛДЫ
Толығырақ...
ИГЕРІЛМЕГЕН БЮДЖЕТ ҚАРЖЫСЫ ҚАЙТАРЫЛАДЫ
17:52, 11 желтоқсан 2018
ИГЕРІЛМЕГЕН БЮДЖЕТ ҚАРЖЫСЫ ҚАЙТАРЫЛАДЫ
Толығырақ...

Танымал жаңалықтар

АДАМДЫ ТІРІДЕЙ КӨМГЕН ҚАСКӨЙЛЕР ҰСТАЛДЫ
17:56, 7 желтоқсан 2018
АДАМДЫ ТІРІДЕЙ КӨМГЕН ҚАСКӨЙЛЕР ҰСТАЛДЫ
Толығырақ...
11 АЙДА СЫБАЙЛАС ЖЕМҚОРЛЫҚҚА ҚАРСЫ 5000 ІС-ШАРА ҰЙЫМДАСТЫРЫЛҒАН
13:56, 6 желтоқсан 2018
11 АЙДА СЫБАЙЛАС ЖЕМҚОРЛЫҚҚА ҚАРСЫ 5000 ІС-ШАРА ҰЙЫМДАСТЫРЫЛ...
Толығырақ...
ТҮРКІСТАНДЫ ТҮЛЕТУГЕ АҚСАҚАЛДАР ҮЛЕС ҚОСАДЫ
13:59, 6 желтоқсан 2018
ТҮРКІСТАНДЫ ТҮЛЕТУГЕ АҚСАҚАЛДАР ҮЛЕС ҚОСАДЫ
Толығырақ...