ШҰҒЫЛ! ТӨМЕНДЕТІЛГЕН ЖАҢА ТАРИФТЕР ЖАРИЯЛАНАДЫ Толығырақ

ТЕЛЕАРНАНЫҢ ЖАҢА МАУСЫМЫ ТҮРКІСТАНДА ТАНЫСТЫРЫЛДЫ

15:16, 14 қыркүйек 2018

Бүгін алғаш рет түбі бір түркі жұртына ортақ, қасиетті Түркістан қаласында – байтағымыздың бас арнасы «Қазақстан» және «Оңтүстік» телеарналарының жаңа маусымы таныстырылды. Шараға «Қазақстан» телерадиокорпорациясы АҚ Басқарма төрағасының орынбасары Серік Егізбаев арнайы қатысты.

Мәдениетке мән беріп, өнерден қуат алуған телеарна ұжымы енді облыс орталығы Түркістаннан тікелей эфирде өңірдегі ең өзекті жаңалықтарды бірінші болып жеткізетін болады. Өңір тарихымен бірге түлеп, жаңарған, жасарған телеарна  қуанышына облыс әкімінің орынбасары Ұласбек Сәдібеков те ортақтасты. Шығармашылық ұжымға жаңа маусымда шалқар шабыт тіледі. 

Ширек ғасырдан астам тарихы бар Түркістан облысының бет – бейнесіне айналған «Оңтүстік» жаңа маусымда жаңа форматта  түрлі тақырыптардағы жобаларды көрермен назарына ұсынады.  Бұл маусымда арнада әлеуметтік, саяси-экономикалық һәм интеллектуалдық бағыттағы бағдарламалар саны артпақ. Атап айтқанда, қарапайым мамандық иелерінің ісін дәріптеуге бағытталған - «Еңбек адамы». Нәзік жанды арулардың беделі, әлеуметтік жағдайы туралы баяндайтын «Көзайым». Қоғамдық-саяси жаңа хабар -  «Мінбер» бағдарламасы. Сондай-ақ, Түркістан облысының Республика экономикасындағы үлес-салмағы мен ең табысты салалардағы өзгерістерді қаузайтын – «Эконом-инфо». Ата-бабамыздан жеткен төл өнерімізді насихаттайтын «Сазқоңыр» да салмақты дүниелердің бірі болмақ.   Интеллектуалды бағытқа негізделген тағы бір тың жоба - «Білімділер алаңы» сияқты 6 бірдей жоба жарыққа шыға бастады. Талғамы жоғары көрермен назарына ұсынатын телеарна жаңалығы мұнымен шектелмейді. Алдағы уақытта көрерменнің сүйікті жобалары жалғасын табады!

С. ЖАРЫЛҚАСЫНОВ

Тақырып бойынша материалдар

ТҮРКІСТАН ОБЛЫСЫНЫҢ ШАРУАЛАРЫ ЖЫЛДЫ ҚОРЫТЫНДЫЛАДЫ
18:31, 20 қараша 2018
ТҮРКІСТАН ОБЛЫСЫНЫҢ ШАРУАЛАРЫ ЖЫЛДЫ ҚОРЫТЫНДЫЛАДЫ
Толығырақ...

Танымал жаңалықтар

ТҮРКІСТАН ОБЛЫСЫНДА КАДРЛЫҚ АУЫС-ТҮЙІС
11:39, 20 қараша 2018
ТҮРКІСТАН ОБЛЫСЫНДА КАДРЛЫҚ АУЫС-ТҮЙІС
Толығырақ...