ШҰҒЫЛ! ЕЛБАСЫНЫҢ ҚАЗАҚСТАН ХАЛҚЫНА ЖОЛДАУЫ (ТОЛЫҚ НҰСҚА) Толығырақ

Түлектер ІТ технологияның тілін жетік меңгерген

23:03, 25 мамыр 2018

Биылғы талапкерлердің талабы таудай. Тау жастары... ІТ, есептеуіш техника, энергетика салаларына ерекше ықылас таныта бастаған. Бұл өндіріс пен тұрмыста осы сала мамандарына сұраныстың артуына тікелей байланысты болса керек.

Түлектер қазіргі заманның талабы мен нарықты біршама зерттегендерін айтады. Мәселен, бүгін Төлеби ауданындағы Ұзынарық ауылындағы мектепті 18 оқушы мектеп бітірді. Түлектердің барлығы ҰБТ тапсыруға ниет білдірген. Сонымен бірге көбі техникалық мамандықтар таңдап отыр.

Нұрмұхаммед Таразы  - жас түлек

- Менің таңдағам мамандығым теміржол саласы. Алматы қаласындағы Тынышбаев академиясына түсемін деген ниеттемін. Қазір Қазақстанда зауыттарда вагондар шығып жатыр. Осы Қазақстанда қалмайтын, өркендейтін салалардың бірі.

Ауыл мектебінің  түлегі Бейбарыс Бейсен болса, ақпараттық технология саласын таңдаған. Компьютердің тілін жетік меңгерген оқушы ІТ маманына сұраныс жоғары екенін біледі. Қолға диплом алған соң кез келген компанияда, өндіріс саласында жұмыс табыларына үмітті.

Бейбарыс Бейсен - жас түлек

- Қазіргі кезде заңгер, қаржыгер мамандықтарына қарағанда ІТ маманына сұраныс көп болғандықтан мен осы мамандықты таңдап отырмын. Өйткені ІТ мамандығы арқылы кез-келген жұмыс орнына, кез-келген салада өз орныңды табуға болады. Және елімізде ІТ технология енді-енді дамып келе жатыр. Соған орай мен сол салаға өз үлесімді қосым, өмірде бір кірпіш болып қалансам ба деймін.

Бүгінде ауыл мектептерінде білім алатын балаларға жан-жақты қолдау көрсетілуде, - дейді білім мекемесінің басшылығы.

Рүстем Амантай – Қазанғап Байболов атындағы орта мектептің директоры

- Мектебіміздің техникалық базасы нығайып, мұғалімдеріміздің біліктілігін арттыру нәтижесінде оқушыларымыз облыстық, аудандық білім олимпиадаларында жақсы жетістіктерге қол жеткізуде. Ұлттық біріңғай тестілеуде жоғары балл жинайды деген сенімдеміз.

Бүгін Қазанғап Байболов мектебін бітірген түлектерге соңғы қоңырау соғылып, ұстаздар қауымы он жыл бойы білім берген оқушыларына ақ жол, сәт сапар тіледі. Салтанатты жиынға қатысқан ата-аналар да ұл-қыздарының таңдаған маман иесі болуына тілектестіктерін білдірді.

Тақырып бойынша материалдар

ОБЛЫСТЫҚ АҚПАРАТТЫҚ-НАСИХАТТЫҚ ТОП ШАРДАРАДА
20:44, 19 қазан 2018
ОБЛЫСТЫҚ АҚПАРАТТЫҚ-НАСИХАТТЫҚ ТОП ШАРДАРАДА
Толығырақ...

Танымал жаңалықтар

ОТЫРАР  ФРАНЦИЯЛЫҚ ҒАЛЫМДАРДЫ  ТАМСАНДЫРДЫ
13:29, 15 қазан 2018
ОТЫРАР ФРАНЦИЯЛЫҚ ҒАЛЫМДАРДЫ ТАМСАНДЫРДЫ
Толығырақ...