ШҰҒЫЛ! ӨМІРЗАҚ ШӨКЕЕВ ҚҰРЫЛЫСТАҒЫ САҚТЫҚ ШАРАЛАРЫН ТЕКСЕРДІ Толығырақ

ТҰРҒЫНДАРҒА ТЕГІН МАСКА ТАРАТЫЛДЫ

19:50, 26 наурыз 2020

«Қалаларымыздың негізгі көшелерінде маскалар азаматтарға тегін таратылуы тиіс». Осылай деп Президент Қасым-Жомарт Тоқаев еліміздегі төтенше жағдайға байланысты ұсыныс айтқан болатын. Осы бастамаға Шымкенттегі «Mega Pharma» компаниясы алғашқылардың бірі болып қолдау білдірді. Кәсіпорын өкілдері еріктілермен бірге қала тұрғындарына тегін бетперде таратты.

Шымкент қаласы әкімдігінің қолдауымен «Mega Pharma» компаниясы 20 мыңға жуық масканы қала тұрғындарына таратып берді.  Теңдей төртке бөліп, төрт ауданның халық көп шоғырланатын жерлерінде арнайы акция ұйымдастырды. Компания өкілдері бұл акцияны Нұр-Сұлтан қаласында да өткізіп, ол жаққа 50 мың дана медициналық бетперде жеткізгендерін айтады.

Инара Абдраимова - «Mega Pharma» компаниясының өкілі

(Біздің мақсатымыз Шымкент қаласының тұрғындарына қолдау көрсету, өзіміздің әлеуметтік борышымызды орындау. Алдағы уақытта бұл акцияны Алматы қаласында өткізу жоспарлануда. Біз нарықта 7 жылдан бері пайдалы өнімдер шығарумен айналысамыз. Және де барша компанияларды қамқорлық танытып, қала тұрғындарына көмек қолын созуға шақырамыз.)

Жандос Қалтаев – Шымкент қаласы «Отбасы, балалар және жастар істері» жөніндегі басқарма басшысы

Еңбекші ауданы бойынша «Север» сауда үйінде жас волонтерлар көмегімен 500 дана маскамен, 600 дана аскорбинді қышқыл дәрумені бір мезетте таратылды. Әр адамға 5 дана маскадан берілуі тиіс болған. Тегін бетпердеге қол жеткізгендер алғысын айтса, кеш келіп қапы қалғандар өкпе-реніштерін де білдіріп жатты. Алдағы уақытта осындай келеңсіздіктердің алдын-алу үшін тиісті шаралар қолға алынатын болады – дейді, ұйымдастырушылар. Қазіргі таңда халықтың бір орында көптеп жиналуы да құпталмайды. Сол себепті, келесі акция барысы өзге форматта өтеді, дейді олар. Ең бастысы «Біз бірге» екендігімізді ұмытпағанымыз жөн..

М. Жорабай

 

 

Тақырып бойынша материалдар

КҮДІКТІЛЕР КОРОНАВИРУСТЫ АНЫҚТАЙТЫН СЫНАМА ТЕСТТЕН ӨТТІ
09:53, 4 сәуір 2020
КҮДІКТІЛЕР КОРОНАВИРУСТЫ АНЫҚТАЙТЫН СЫНАМА ТЕСТТЕН ӨТТІ
Толығырақ...
ШЫМКЕНТТІК ПОЛИЦЕЙ ЖҮКТІ ӘЙЕЛГЕ ЖӘРДЕМ БЕРДІ
18:54, 3 сәуір 2020
ШЫМКЕНТТІК ПОЛИЦЕЙ ЖҮКТІ ӘЙЕЛГЕ ЖӘРДЕМ БЕРДІ
Толығырақ...

Танымал жаңалықтар

51 ЖАСАР ШЫМКЕНТТІКТЕН  COVID-19 БЕЛГІСІ АНЫҚТАЛДЫ
17:16, 1 сәуір 2020
51 ЖАСАР ШЫМКЕНТТІКТЕН COVID-19 БЕЛГІСІ АНЫҚТАЛДЫ
Толығырақ...
 4 СӘУІР КҮНІ ШЫМКЕНТТЕ САҒАТ 21:00-ДЕ КАРАНТИН ЖАРИЯЛАНАДЫ
09:55, 3 сәуір 2020
4 СӘУІР КҮНІ ШЫМКЕНТТЕ САҒАТ 21:00-ДЕ КАРАНТИН ЖАРИЯЛАНАДЫ
Толығырақ...