«Жасыл ел» жасақтары іске кірісті

Түлкібас ауданында «Жасыл ел» бағдарламасы бойынша жұмыстар қарқын алған. Шіліңгір шілденің аптап ыстығына қарамастан жастар туған елдің тұмса табиғатын көркейту ісін риясыз көңілмен атқаруда. Жаз мезгілінде жұмыс істеуге ниетті 60 азамат табиғаты тамылжыған аймақты түлету үшін тал-дарақ егіп, талмай еңбек етуде.

12:44, 15 шілде 2017   193

Осыдан 12 жыл бұрын Президент пәрменімен қабылданған «Жасыл ел» бағдарламасы бойынша мыңдаған жас қосымша табыс тауып, түстік өңірді абаттандыруға ат салысты. Соның арқасында қаншама аулаға ажар кіріп, мыңдаған ағаш көшеттері отырғызылды. Түлкібас жастары да қоршаған ортаның көркеюіне үлес қосып, еткен еңбегіне сай жалақыларын алуда.

Азамат Имашев – Түлкібас аудандық жастар ресурстық орталығы басшысының міндетін уақытша атқарушы

Қазіргі таңда жамтар саясатының қолдау мақсатында осы елімізде қаншама игі істер өткізіліп жатыр. осының бірі – «Жасыл ел» бағдарламасы. Оның негізгі мақсаты-жастарды патриоттыққа тәрбиелеу, елімізді көгалдандыру  болып жатыр. Ең бастысы, жастарды жұмысқа тарта отырып, жұмыссыздықты тоқтату.

Жастық жалынмен жұмысқа жұмылудың тиімділігі көп. Ислам Жолбасқанов жазғы демалыста жұмыс істеп қана қоймай, түрлі шаралар мен акцияларға да белсене қатысып жүр. Бос уақытта ғаламторға үңілмей, облысымыздың гүлденуіне аз да болса, үлес қосуда. Менің еңбекке деген алғашқы қадамым дәл осы «Жасыл елмен» басталғанына қуаныштымын, – дейді ол.

Ильяс Мамбетов – Түлкібас аудандық коммуналдық шаруашылық бөлімінің басшысы

Қазіргі таңда бізге осы жаға бағдарламалармен жас өспірімдер 4 күн болды жұмыс жасап жатқанына. Біп жағынан ауданды көркейтуіне үлесі орасаң. Аудан орталықтарын бастады тазартуды, енді басқа округтер үлгі алар, жастарға да жақсы демалудың орнына жұмыс істеп, ақша табады.

Бағдарлама студенттер мен 17 жастан асқан жастарға арналған. Ел жастарының жазғы демалысын тиімді өткізіп, қосымша қаржы табуын қамтамасыз етуде «Жасыл елдің» атқарып отырған маңызы зор.

САТТАР Есімбеков   

«Қазақстан-Шымкент» телеарнасының ресми сайты

160000, Шымкент қаласы, Қазыбек би көшесі, 20 үй Байланыс телефондары: 8 (7252) 53-62-07