ШҰҒЫЛ! ЕЛБАСЫНЫҢ ҚАЗАҚСТАН ХАЛҚЫНА ЖОЛДАУЫ (ТОЛЫҚ НҰСҚА) Толығырақ

ЖОЛДАУ: НАСИХАТТЫҚ ТОП ТҰРҒЫНДАРМЕН КЕЗДЕСТІ

13:48, 11 қазан 2018

Елбасы Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты жолдауын насихаттау бойынша облыстық топ бірнеше аудан, қалаға іссапар жасады. Облыс әкімінің орынбасарлары басаған топтың құрамында зиялы қауым өкілдері, тарихшылар, басқарма басшылары мен өзге де белсенді азаматтар бар.

Насихаттық топтардың бірі Сайрам ауданына келіп,  мәдениет үйінде халықпен жүздесті. Елбасы жолдауындағы міндеттерге кеңінен тоқталды. Өз кезегінде топ жетекшісі, облыс әкімінің орынбасары Ұласбек Сәдібеков биылғы Жолдаудың елдің дамуына, халықтың әл-ауқатының артуына ықпалы зор екенін, ондағы міндеттердің орындалуына барша қазақстандықтардың бірлікпен үлес қосуы керек екендігін айтты.     Сонымен қатар, Ұласбек Сәдібеков 2019 жылдың  жастар жылы болып жарияланғанына тоқталып, бұл бағытта жастарға үлкен сенім артылатындығын айтты. Жиын барысында білім саласындағы жемқорлық мәселесі де сөз болды. «Елбасының жаңадан құрылған облысқа қарқынды жұмыс бастауды міндеттегені — бізге сенім білдіргені. Жалпы, өңірімізде білімді, білікті мұғалімдер өте көп. Білімге құштар  оқушыларымыз да жеткілікті. Бірақ, бір ғана жемқорлық мәселесі барлығына түгел күйе жағып жібереді. Сондықтан, бұл бағытта жаңаша жұмыс жүргізілетін болады. Оған барлығымыз қолдау білдіруіміз қажет" деген облыс әкімінің орынбасары сайрамдықтардан Жолдаудағы міндеттерді жүзеге асыруда үлкен үміт күтетіндігін жеткізді.

Нұрсұлтан ӘБДІРАШИТ                                                          

Тақырып бойынша материалдар

Танымал жаңалықтар

КЕЙБІР АУДАНДАРДА ЖЫЛУ БЕРУ МАУСЫМЫ БАСТАЛДЫ
16:08, 17 қазан 2018
КЕЙБІР АУДАНДАРДА ЖЫЛУ БЕРУ МАУСЫМЫ БАСТАЛДЫ
Толығырақ...
ЖОЛДАУ – ҚАЗАҚСТАН  ДАМУЫНЫҢ ЖАҢА БАҒЫТЫ
18:01, 17 қазан 2018
ЖОЛДАУ – ҚАЗАҚСТАН ДАМУЫНЫҢ ЖАҢА БАҒЫТЫ
Толығырақ...