ШҰҒЫЛ! ТАРИХИ-МҰРАЛАР ЗАҢМЕН ҚОРҒАЛАДЫ Толығырақ

АЗИЯ ОЙЫНДАРЫНЫҢ ЖЕҢІМПАЗЫ МАРАПАТТАЛДЫ

13:38, 20 қыркүйек 2018

Отырар ауданының әкімі Ерлан Айтаханов Индонезияның Джакарта қаласында өткен ХVIII Азия ойындарының самбо күресінің жеңімпазы, Отырар ауданының тумасы Бағлан Ибрагимді қабылдады. Кездесуде аудан басшысы халықаралық спорт алаңдарында еліміздің туын туын көкке желбіретіп жүрген спорт саңлағын кезекті жеңісімен құттықтап, ел намысын қорғаудағы еңбегіне сәттілік тіледі.

Ерлан Айтаханов – Отырар ауданының әкімі

  • Киелі Отырар ауданынан небір мықты дарындардың шыққанын тарих өзі дәлелдеп берді. Әлемді аузына қаратқан күш алыбы Қажымұқан атамыздың ерлігінің өзі бір төбе. Елбасымыз Нұрсұлтан Назарбаевтың еліміздегі спорт саласына ерекше көңіл бөлуінің арқасында өзің секілді намысты қазақ спортшылары әлемдік додада топ жарып жүр. Аудан спортының өркендеуі үшін де барлық жағдайлар қарастырылған. Спорт бір бағытта ғана емес әр саласы бойынша да дамуы керек. Сол үшін ауданда қазақша күрес, дзю-до, самбо күрестерімен бірге бокс, волейбол, баскетбол, тоғызқұмалақ, ат спорты және тағы да басқа спорт түрлерін дамытуды қолға аламыз.

Түркістан қаласындағы Халықаралық қазақ-түрік университетінің спорт факультетінде 3-курста оқитын Бағлан Ибрагим алдағы қараша айында Румыния елінде өтетін әлем біріншілігіне дайындық үстінде. Бағланның ағасы Бақытжан Төребеков те спорт саласында біраз биіктерді бағындырған. Ол - Белградта өткен бүкіл әлемдік универсиада ойындарының күміс жүлдегері атанған жалғыз қазақстандық. Аудан басшысымен кездесу барысында Дзю-до күресінен жасөспірімдер арасындағы Қазақстан құрамасының бас бапкері Бақытжан Төребеков жасөспірімдер арасындағы Қазақстан біріншілігін киелі Отырар ауданында өткізу туралы ұсынысын білдірді. Аудан әкімі Ерлан Қуанышұлы аталған ұсынысты жүзеге асыруға әзір екендігін жеткізді.

 Мәдениет пен руханият тарихында тамырын тереңге тартқан киелі Отырар өңірінен спорт саласының саңлақтары да аз шықпағаны белгілі.  Салауатты өмір салтын қалыптастырып, шымыр білекті спортшылар тәрбиелеу мақсатында ауданнан шыққан кәсіпкерлерді жұмылдыра отырып, бірқатар спорттық кешен пайдалануға берілді. Алдағы уақытта жасөспірімдер арасындағы Қазақстан біріншілігі де аталған аймақта ұйымдастырылуы бек мүмкін.

Нұрсұлтан ӘБДІРАШИТ                                                           

Тақырып бойынша материалдар

ҚАЗАҚ КҮРЕСІНЕН  ЕЛ ЧЕМПИОНАТЫНА  ІРІКТЕУ ӨТТІ
12:57, 14 қаңтар 2019
ҚАЗАҚ КҮРЕСІНЕН ЕЛ ЧЕМПИОНАТЫНА ІРІКТЕУ ӨТТІ
Толығырақ...
БАҚ ӨКІЛДЕРІ АРАСЫНДА БИЛЬЯРДТАН  ТУРНИР
12:32, 8 қаңтар 2019
БАҚ ӨКІЛДЕРІ АРАСЫНДА БИЛЬЯРДТАН ТУРНИР
Толығырақ...
КОНФЕДЕРАЦИЯ КУБОГЫНЫҢ ЖЕҢІМПАЗДАРЫ АНЫҚТАЛДЫ
12:58, 10 желтоқсан 2018
КОНФЕДЕРАЦИЯ КУБОГЫНЫҢ ЖЕҢІМПАЗДАРЫ АНЫҚТАЛДЫ
Толығырақ...

Танымал жаңалықтар

ШЫМКЕНТ УНИВЕРСИТЕТІ МЕЙРАМДЫ ТОЙЛАДЫ
12:21, 20 наурыз 2019
ШЫМКЕНТ УНИВЕРСИТЕТІ МЕЙРАМДЫ ТОЙЛАДЫ
Толығырақ...
ӨМІРЗАҚ ШӨКЕЕВ КЕНТАУДАҒЫ МАҢЫЗДЫ НЫСАНДАРДЫ АРАЛАДЫ
21:34, 19 наурыз 2019
ӨМІРЗАҚ ШӨКЕЕВ КЕНТАУДАҒЫ МАҢЫЗДЫ НЫСАНДАРДЫ АРАЛАДЫ
Толығырақ...
ПРЕЗИДЕНТ Қ.ТОҚАЕВ АЛҒАШҚЫ ЖҰМЫС САПАРЫН ТҮРКІСТАННАН БАСТАДЫ
13:03, 23 наурыз 2019
ПРЕЗИДЕНТ Қ.ТОҚАЕВ АЛҒАШҚЫ ЖҰМЫС САПАРЫН ТҮРКІСТАННАН БАСТАД...
Толығырақ...