ШҰҒЫЛ! ҚОШ КЕЛДІҢ РАМАЗАН АТТЫ ЖӘРМЕҢКЕ ҰЙЫМДАСТЫРЫЛДЫ Толығырақ

«Мерейлі отбасы-2017». Облыстың мақтаулы шаңырағы анықталды

15:22, 27 мамыр 2017

Мемлекеттің іргесі өнегелі отбасылармен берік. Ақ неке қасиетін арттырып, шаңырақ шаттығын нығайтатын «Мерейлі отбасы-2017» ұлттық байқауының облысымыздағы жеңімпаздары анықталды. 30 үміткер ұядан үздігі қайсы?

Бұл отбасылар – ел ішіндегі мақтаулылар. Халық мүддесіне қызмет еткен, ерен еңбектің иелері. Спортта бағы жанғандар. Ғылымда ізденісі молайғандар. Үздіктердің отбасыдағы өнегесін  жастарға тәлім етуге болады. Осылай деген облыс әкімінің орынбасары Ұласбек Сәдібеков үлгілі шаңырақ иелеріне береке-бірлік, тындырымды  тірлік тіледі.

 «Мерейлі отбасы-2017»  ұлттық байқауының облыстағы додасына  30 шаңырақ қатысқан.   Адам – ұрпағымен көрікті... Байқауда жұбайлардың көпбалалы болуына басымдық берілді.  Олар өскен, өнген, қызметте биікке көтерілген болса, ұпайға ұпай қосылды. Отбасы – бірнеше адамның біріккен қасиетті орны. Бірігіп, өнер көрсетуіне де айрықша назар аударылды. Көп ішінен шымкенттік Каналбай Сейілбекұлы мен ордабасылық  Омаш Шапаевтың әулеттері үздік деп танылды. Республикалық додаға осы отбасылар барады.

Жеңімпаз отбасының аяулы анасы Тұрған Сейілбекова жұбайымен бірге 5 ұл, 4 қыз тәрбиелеп, өсірген. «Отбасын орға жықпай, өрге сүйреу үшін асқан төзімділік қажет», - дейді 73 жастағы ана. Осы үдеден шыққандар ғана мемлекеттің берік тіреуі болатынына сенеді.

Байқауда екі отбасы ғана ескерілген жоқ. Қатысушылардың барлығы да бағалы сыйлықтарға ие болды. Каримжан Юсвалиев келесі додаға тыңғылықты дайындықпен қатысуға бекініп отыр. Оны бұл рухқа ортақ Отанға деген сүйіспеншілігі үндейді.

Елбасы бастамасымен  шымылдығы түрілген байқаудың төрт жылдық тарихы бар. Демографияны еселеуге, үлгілі отбасы иелерін ардақтап, солардың тәжірибесін насихаттауға септесетін сынға былтыр 294 отбасы қатысса, биыл олардың қатары 322-ге жетті.  Рухани жаңғыруға бастайтын додада жерлестеріміздің топ жаруына тілекшіміз.

АҚНҰР Маханбетқызы

Тақырып бойынша материалдар

БАЛАЛАРДЫҢ ЛАГЕРЬМЕН ҚАМТЫЛУЫ 95 ПАЙЫЗҒА ЖЕТПЕК
12:58, 24 шілде 2018
БАЛАЛАРДЫҢ ЛАГЕРЬМЕН ҚАМТЫЛУЫ 95 ПАЙЫЗҒА ЖЕТПЕК
Толығырақ...

Танымал жаңалықтар

АЛТЫН ҚҰРСАҚТЫ АНА ҰЛТТЫҚ ӨНЕРДІ ДӘРІПТЕП ЖҮР
17:32, 8 тамыз 2022
АЛТЫН ҚҰРСАҚТЫ АНА ҰЛТТЫҚ ӨНЕРДІ ДӘРІПТЕП ЖҮР
Толығырақ...
2023 ЖЫЛЫ ҚАЛА ТҰРҒЫНДАРЫ 100% САПАЛЫ АУЫЗ СУМЕН ҚАМТЫЛАДЫ
18:07, 9 тамыз 2022
2023 ЖЫЛЫ ҚАЛА ТҰРҒЫНДАРЫ 100% САПАЛЫ АУЫЗ СУМЕН ҚАМТЫЛАДЫ
Толығырақ...
САРЫАҒАШТЫҚ  ДИХАНДАР БІР ЖЕРДЕН ЕКІ ӨНІМ АЛУДА
13:42, 9 тамыз 2022
САРЫАҒАШТЫҚ ДИХАНДАР БІР ЖЕРДЕН ЕКІ ӨНІМ АЛУДА
Толығырақ...