ШҰҒЫЛ! ҚОШ КЕЛДІҢ РАМАЗАН АТТЫ ЖӘРМЕҢКЕ ҰЙЫМДАСТЫРЫЛДЫ Толығырақ

ШЫМКЕНТКЕ ТАРТЫЛҒАН ИНВЕСТИЦИЯ КӨЛЕМІ 462 МЛРД. ТЕҢГЕ

15:42, 24 қаңтар 2022

Шымкент қаласының әкімі М.Әйтеновтің төрағалығымен инвестициялық штабтың кезекті отырысы өтті. ZOOM платформасы арқылы ұйымдастырылған жиынға жауапты сала жетекшілерi мен кәсіпкерлер және инвесторлар қатысты.

2021 жылы негізгі капиталға салынған инвестициялардың игерілуін баяндаған кәсіпкерлік және индустриалды-инновациялық даму басқармасы басшысының орынбасары Б.Азимбердиев қалаға тартылған инвестиция көлемі 462 млрд. теңгені құрағанын атап өтті.Оның айтуынша, тартылған инвестицияның 75%-ы жекеменшік, 25%-ы мемлекеттік инвестия болып табылады. Ал биыл негізгі капиталға 540 млрд. теңге инвестиция тарту жоспарланған.

Қала басшысы Шымкенттің инвестиция тарту әлеуетiнiң жоғары екендiгiне тоқталып,  белгіленген межемен шектелмей, инвестиция тарту бойынша жұмыстарды одан да арттыруды тапсырды. Қалаға инвестиция тарту iciнде штаб жұмысының тиімділігін  айтып, инвесторлар үшін бюрократиялық кедергiлер азайғанын жеткізді.Отырыста «Тіркемелер мен жартылай тіркемелер өндіру», «Күштік трансформаторларды өндіру», «Аяқ киім фабрикасы» сынды жобалар таныстырылып, жергілікті инвесторлардың газобетон өндірici, металл плитка, гофр картон өндiрiсi,  балабақша, балалар клиникасы мен жатақхана құрылысын салу бойынша жаңа инвест жобалар талқыланды.

Қала әкімі аталған жобаларды жүзеге асыру бойынша әкімдік тарапынан қажетті қолдау болатынын айтып, салалық басқарма басшыларына нақты тапсырмалар жүктеді.

 

АВТ.  ЕРНҰР.              

Тақырып бойынша материалдар

КЕНТАУ ҚАЛАСЫНЫҢ БАС ЖОСПАРЫ ТАНЫСТЫРЫЛДЫ
17:35, 24 маусым 2022
КЕНТАУ ҚАЛАСЫНЫҢ БАС ЖОСПАРЫ ТАНЫСТЫРЫЛДЫ
Толығырақ...

Танымал жаңалықтар

КӘСІПКЕРЛЕРГЕ КЕДЕРГІ КЕЛТІРУ ТЫЙЫЛАР ЕМЕС
13:58, 20 маусым 2022
КӘСІПКЕРЛЕРГЕ КЕДЕРГІ КЕЛТІРУ ТЫЙЫЛАР ЕМЕС
Толығырақ...
ОРДАБАСЫ АУДАНЫНДА ЖАЗҒЫ ЛАГЕР ҚЫЗЫП ТҰР
13:49, 22 маусым 2022
ОРДАБАСЫ АУДАНЫНДА ЖАЗҒЫ ЛАГЕР ҚЫЗЫП ТҰР
Толығырақ...