ШҰҒЫЛ! ПРЕЗИДЕНТ ҰЖЫМДЫҚ ҚАУІПСІЗДІК КЕҢЕСІНІҢ СЕССИЯСЫНА ҚАТЫСТЫ Толығырақ

ШЫМКЕНТТІҢ 4 АУДАНЫНДА ЖАСТАР ОРТАЛЫҒЫ АШЫЛДЫ

17:03, 10 қыркүйек 2021

Шымкенттің жастары бұдан былай орталыққа қарай сабылмайтын болды. Олар өздері тұратын аудандағы орталыққа барып қажетті кеңес алуға жол ашылды. Тіпті, өзін жан-жақты дамытамын дегендер үшінде мүмкіндіктер қарастырылған. Ел Тәуелсіздігінің 30 жылдығына орай шымшаһардағы 4 ауданда ашылған бөлімшелерді бүгін қала әкімі Мұрат Әйтенов өзі барып көріп қайтты.

Жастардың игілігі үшін пайдалануға беріліп отырған орталық бір мезетте 50-100 адамға дейін қызмет көрсетуге қауһарлы. 5 бағыт бойынша жұмыс жасайтын бөлімшеде жастарға қызмет көрсетуден бастап, олардың арасындағы таланттыларын қолдауғада мүмкіндіктер қарастырылған. Сонымен қатар, орталықта коворкинг орталығы, шағын кітапхана, психологиялық кеңес беру бөлмесі де бар.  

Интершум

Әрбір бағыт бойынша мұнда жастар шығармашылықтарын шыңдап қана қоймай, жас кәсіпкерге айналуда ғажап емес. Оларға кеңес беруде тыңғылықты тірлікті талап еткен қала әкімі Мұрат Әйтенов несиелендіру жолдары арқылы  жан-жақты мүмкіндіктерді қарастырған жөн екенін айтты.

Ерлан Айтбаев – Шымкент қалалық жастар ресурстық орталығының директоры

Қаратау ауданынан ашылған бөлімше ғимараттың орналасу жеріне де аса мән берілген. Жанында 2 мектеп, 4 оқу орталығы, саябақ,  гүлзар,  театр, мәдениет үйі, кітапхана, аула клубы, 50 шақты көпқабатты үй бар. Мұның өзі жастармен жұмыс жүргізуге, олардың бос уақытын тиімді өткізуге қолайлы болып отыр. Дегенмен, келешекте ғимарат аумағын үлкейтуді қала әкімі қолдап отыр.

Мұрат Әйтенов – Шымкент қаласының әкімі

Орталықтың жұмысымен танысып, жастармен сұқбаттасқан шаһар басшысы аралау соңында «Қазақстан жастар конгресі» заңды тұлғалар бірлестігінің атқарушы директоры Тоқтар Болысовпен ынтымақтастық туралы меморандумға қол қойды.

Шымкент – жастардың қаласы. Бүгінде қала халқының 23 пайызын жастар құрайды. Оның ішінде Қаратау, Әл-Фараби, Абай аудандарындағы жастардың үлесі басымырақ болса, Еңбекшіде бұл көрсеткіш  төмендеу екен. Шаһарда ашылған орталық бөлімшелері Әл-Фараби ауданы бойынша  сол бұрынғы ЖРО орталығында орналасса, Абай ауданы бойынша Кремлёвский көшесі  38/2 үйінде орналасқан. Ал, Қаратауда Нұрсат шағын ауданы 200/18 үй болып бекітілсе, Еңбекшідегі бөлімшені Теріскей көшесінен таба аласыз.

 

Г.Асқарқызы                              

Тақырып бойынша материалдар

БАЙДУЛЛА ҚОНЫСБЕК СЕКСЕННІҢ СЕҢГІРІНДЕ
17:50, 17 қыркүйек 2021
БАЙДУЛЛА ҚОНЫСБЕК СЕКСЕННІҢ СЕҢГІРІНДЕ
Толығырақ...
ТҮРКІСТАНДА  ЭЛЕКТР ҚУАТЫН ТҰТЫНУ АРТҚАН
16:34, 17 қыркүйек 2021
ТҮРКІСТАНДА ЭЛЕКТР ҚУАТЫН ТҰТЫНУ АРТҚАН
Толығырақ...

Танымал жаңалықтар

ТОСЫННАН КЕЛГЕН ХАТТАР ТАҢҚАЛДЫРУДА
17:32, 14 қыркүйек 2021
ТОСЫННАН КЕЛГЕН ХАТТАР ТАҢҚАЛДЫРУДА
Толығырақ...
ЖОЛДАУ ЖҮКТЕГЕН МІНДЕТ ОРЫНДАЛУЫ ТИІС
12:18, 15 қыркүйек 2021
ЖОЛДАУ ЖҮКТЕГЕН МІНДЕТ ОРЫНДАЛУЫ ТИІС
Толығырақ...
8 МЫҢНАН АСТАМ АЛКАГОЛЬ ӨНІМДЕРІ ЖОЙЫЛДЫ
12:33, 15 қыркүйек 2021
8 МЫҢНАН АСТАМ АЛКАГОЛЬ ӨНІМДЕРІ ЖОЙЫЛДЫ
Толығырақ...