ШҰҒЫЛ! ҚОШ КЕЛДІҢ РАМАЗАН АТТЫ ЖӘРМЕҢКЕ ҰЙЫМДАСТЫРЫЛДЫ Толығырақ

ТҮРКІСТАН ОБЛЫСЫ АУМАҒЫНДА КРИМИНОГЕНДІК АХУАЛ ТОЛЫҚ БАҚЫЛАУДА

13:47, 9 қаңтар 2022

Түркістан облысы аумағында криминогендік ахуал толығымен бақылауда. Бұл туралы барлық құқық қорғау органдары басшыларының қатысуымен шұғыл штаб өткізген облыс әкімі Өмірзақ Шөкеев мәлімдеді. Облыс басшысы Түркістан облысы тұрғындарының қауіпсіздігін қамтамасыз ету мақсатындағы жұмыстар күшейтілетінін айтты.

«5 қаңтар күні Мемлекет басшысының Жарлығымен және ҚР Конституциясының 44-бабына, «Төтенше жағдай туралы» ҚР Заңына сәйкес, Түркістан облысы аумағында 5 қаңтар сағат 22.00-ден бастап 19 қаңтар сағат 00.00-ге дейінгі аралықта төтенше жағдай енгізілді. Аталмыш құжаттың негізінде Түркістан облысының комендатурасы құрылып, оған «Төтенше жағдай туралы» ҚР Заңымен көзделген өкілеттіктер беріледі. Түркістан облысында жалпы жағдай тұрақты деп айтуға болады»,– деді Өмірзақ Шөкеев.Төтенше жағдай кезінде бекітілген уақытша шектеулер жайлы баяндаған Түркістан облысының Бас комменданты – Түркістан облыстық Полиция департаментінің бастығы, генерал-майор Қайрат Дәлбеков заң бұзушылықтарға жол берудің зардабы ауыр екенін ескертті.

Комменданттық сағат кезінде таңертең түнгі сағат 23.00-ден таңғы 7.00-ге дейін азаматтардың жүріп-тұруына шектеу қойылады. Облыс аумағында соның ішінде аудандар арасында көлік құралдарының жүріп-тұруына шектеулер орнатылады. Сондай-ақ Қызылорда, Жамбыл облыстарымен, Шымкент қаласына кіретін-шығатын жолдарға, аудан арасында блок-бекеттер қойылады. Төтенше жағдай кезінде азаматтардың жеке құжаттары, көліктері мұқият тексеріледі.Бейбіт жиналыстар, ойын-сауық, спорттық және басқа да бұқаралық іс-шараларды өткізуге тыйым салынады.

 «Құрметті облыс тұрғындары құқық қорғау органдары басқа да мүдделі және атқарушы билікпен бірге қоғамдық қауіпсіздікті сақтау үшін күндіз-түні қызмет атқаруда. Баршаңызды заң бұзушылыққа бармауға, тәртіп сақтап, арандатушылардың сөзіне, іс-әрекетіне ермеуге шақырамын! Қандай да бір мәселеңіз болса, заң аясында шешу үшін тиісті мемелкеттік органдардың көмегіне жүгінуге болатынын жеткіземін. Сондай-ақ барлық арнайы және құқыққорғау органдары осы бағытта жұмыс атқарады. Төтенше жағдай кезінде заң бұзушылықтарға жол берудің зардабы ауыр екенін ескертемін. Мұндай сәтте тек қана ресми ақпараттарға сүйенуді сұранамын», – деді Түркістан облыстық Полиция Департаментінің бастығы, генерал-майор Қайрат Дәлбеков.

Тақырып бойынша материалдар

НҰРСАТ ТЕМІРХАНҒА ТЕМІР ТҰЛПАР ТАБЫС ЕТІЛДІ
18:04, 7 шілде 2022
НҰРСАТ ТЕМІРХАНҒА ТЕМІР ТҰЛПАР ТАБЫС ЕТІЛДІ
Толығырақ...

Танымал жаңалықтар

14:56, 5 шілде 2022
МЕМЛЕКЕТ БАСШЫСЫ ЕУРОПА ОДАҒЫНЫҢ ПРЕЗИДЕНТІМЕН СӨЙЛЕСТІ
Толығырақ...